Leita á in.fo

Áki Egilsnes millum venjaran og formannin í KA.

Danjal av Rana 09.02.2018 (16:00)

Áki fekk nýggjan sáttmála

Áki Egilsnes hevur longt sáttmálan við KA í tvey ár afturat, boðar felagið frá á heimasíðu síni.

 

Felagið sigur, at hann hevur spælt væl í vetur, hóast hann hevur verið darvaður nakað av skaðum.

 

- Hann er bara 22 ára gamal og hevur tí framtíðina fyri sær, skrivar felagið.

 

- Tað hevur gingið væl hjá mær og liðnum, og eg havi fingið fulla spælitíð. Eg trívist bara heilt væl her í KA og haldi, at eg kann menna meg nógv her, sigur føroyski landsliðsspælarin við in.fo.

 

Tað var í summar, at Áki Egilsnes skifti úr VÍF til KA í Íslandi, sum í løtuni liggur á øðrum plássi í næstbestu íslendsku deildini.


Veitst tú eina góða søgu? Skriva til okkara á red(at)in.fo
Les ella lýs í Lýsingartorginum – trýst her