Leita á in.fo

Aksel B. Danielsen, KÍ, skoraði tvey mál í Hoyvík í kvøld

Jóannes Hansen 14.04.2018 (20:58)

Aksel var tvífaldur málskjútti

Tað var eingin ivi, tá ið næstbesta liðið hjá klaksvíkingum í kvøld vitjaði á vøllinum við Skúlan á Løgmannabreyt í Hoyvík.

Eftir málleysan fyrra hálvleik vann KÍ 3-0. Gestirnir høvdu yvirvág alla tíðina og flestu møguleikarnar, men onkra ferðina var heimaliðið framvið. Eitt nú sendi Niklas Fríði Jacobsen í stólpan í fyrra hálvleiki, tá ið KÍ málverjin Kristian Joensen eisini bjargaði, tá ið Solomon var púra leysur.

 

Sigurin ber við sær, at klaksvíkingar hava vunnið fimm ferðir og einaferð spælt javnt. Tað var í fyrsta umfari á útivølli ímóti NSÍ. Bæði NSÍ og KÍ hava sekstan stig fyri seks dystir. Málmunurin er betri hjá KÍ, sum harvið er ovast á støðutalvuni.

 

Beinanvegin eftir steðgin var tað Aksel B. Danielsen, sum setti hol á, tá ið hann eftir skjótt álop og  innlegg sendi bóltin í málið.

Aksel B. Danielsen økti til 2-0, tá ið tað restaðu tjúgu minuttir, og aftur var tað eftir kvikt álopsspæl.

Liðformaðurin Henry Heinesen staðfesti rimmar sigurin við brotssparki í tíðini, sum dómarin legði aftrat.


Veitst tú eina góða søgu? Skriva til okkara á red(at)in.fo
Les ella lýs í Lýsingartorginum – trýst her