Leita á in.fo

Tróndur Arge 20.03.2017 (08:48)

Anders Gerber er argur um úrtøkuna

 NSÍ tapti í gjár 1-0 fyri Víkingi á heimavølli í 2. umfari í landskappingini. Venjarin hjá NSÍ, Anders Gerber, er argur um gongdina seinastu tveir dystirnar, har hann heldur at liðið hevur fingið ov lítla úrtøku.

 

Trýst á pílin á myndini fyri at síggja samandráttin

 

- Í løtuni raka vit stengurnar og fáa ikki tað avgerandi burturúr fleiri støðum, men soleiðis er tað nú eina ferð í fótbólti, sigur Anders Gerber, venjari hjá NSÍ.

 

Les eisini: (Video) Her vinnur Víkingur á NSÍ

 

NSÍ spældi heldur óvæntað javnleik 1-1 í fyrsta umfari móti uppflytarunum úr EB/Streymi. Tá høvdu runavíkingar eisini fleiri royndir á mál, men tað kastaði bara eitt mál av sær, sum ikki gav meir enn eitt stig.

 

- Vit hava fleiri hornaspørk og eru nær við fleiri ferðir, meðan Víkingur skorar upp á eitt av sínum fimm ella seks hornaspørkum, sigur Anders Gerber.

 

Hann hevur nú eyguni eftir 1/8 finaluni í kappingini um Løgmanssteypið, har NSÍ skal spæla móti 07 Vestur.

NSÍ-Víkingur 0-1 (0-1)

0-1: Philip Djordjevic 37.

Dómari: Lars Müller