Leita á in.fo

Tróndur Arge 10.10.2018 (12:21)

Aserbadjan: Veðrið og ferðing er ongin umbering

Aserbadjan hevur á døgurða í dag havt sín tíðindafund, undan Nations League dystinum móti Føroyum, sum verður á Tórsvølli í annaðkvøld klokkan 19.45. Venjarin hjá Aserbadjan var fámæltur, men greiður í sínum máli, tá hann bleiv spurdur um vøllin og 14 tímar longu ferðina til Føroyar.

 

Les eisini: (Vit gita) Stórar broytingar á liðnum

 

- Eg havi sæð vøllin. Hann er nakað lítil, men tað er líka fyri báðar partar. Tað er rætt, at vit hava ferðast í 14 tímar, men tað er heldur ongin umbering. Vit vilja spæla ein góðan dyst, eru til reiðar og vilja eisini vinna, sigur Gurban Gurbanov, venjari hjá Aserbadjan.

 

Við á tíðindafundinum var verjuspælarin, Pavel Pashayev. Hann helt fyri, at Føroyar eru eitt gott landsliðið, sum eru sterkir á bóltinum og duga væl at verja, men legði afturat, at hann ætlar at vinna dystin.

 

Føroyar og Aserbadjan spæla hóskvøldið klokkan 19.45 á Tórsvølli. FM1 hevur landsliðsradio frá klokkan 10, har tað millum annað ber til at vinna orginalar AC Horsens og Brann Bergen troyggjur, sum Hallur Hansson og Gilli Rólantsson hava spælt í.


Veitst tú eina góða søgu? Skriva til okkara á red(at)in.fo
Les ella lýs í Lýsingartorginum – trýst her