Inter Milan friðar nummar 4

Javier Zanetti er seinasti leikarin í søguni hjá Inter Milan, ið hevur borið troyggju nummar 4.


Fyrr í summar takkaði Inter Milan legendan, Javier Zanetti, fyri seg í felagnum. Javier Zanetti, ið spældi við felagnum frá 1995 til 2014 er høgt í metum í italienska stórfelagnum. 

 

So mikið høgt er hann í metum, at leiðslan í felagnum nú hevur valt, at eingin leikari í framtíðini sleppur at leika í troyggju nummar 4. Nummarið er tískil friðað.

 

Harafturat boðar felagið frá at Javier Zanetti nú skal vera nýggjur vicepresidentur í italienska stórfelagnum.

 

Hetta er ikki fyrstuferð, at Inter Milan friðar eitt troyggjunummar. Troyggja nummar 3 er somuleiðis eisini friða í felagnum. Í tí troyggjuni spældi fyrrverandi vinstri bakkurin, Giacinto Facchetti.