Leita á in.fo

André Olsen 03.01.2018 (22:37)

Costa skuldi bara brúka seks minuttir

Umstríddi áleyparin, Diego Costa, ið noktaði at spæla fyri Chelsea farna summar, skifti 1 januar til Atletico Madrid, har spanski áleyparin eisini hevði sína dagligu gongd, áðrenn hann tørnaði út fyri Chelsea.

 

Og í kvøld, hevur Diego Costa á fyrsta sinni spælt aftur fyri Atletico Madrid síðani skifti. Tað var í steypadystinum hjá Atletico Madrid móti Lleida Esportiu í einum dysti sum Atletico Madrid vann 4-0. Tað eydnaðist eisini Diego Costa, ið byrjaði dystin á bonkinum, at koma á máltalvuna.

 

Diego Costa, ið var skiftur inn tíðliga í øðrum hálvleiki, skuldi bert brúka seks minuttir á vøllinum, áðrenn hann aftur kom á máltalvuna fyri Atletico Madrid. Tað gjørdi hann, tá hann skoraði 3-0 málið í dystinum.

 

Talan var um fyrsta málið hjá Diego Costa fyri Atletico Madrid síðani summarið 2014, tá Diego Costa skifti frá Atletico Madrid til Chelsea. 


Veitst tú eina góða søgu? Skriva til okkara á red(at)in.fo
Les ella lýs í Lýsingartorginum – trýst her