Cristiano Ronaldo bleiv í gjár skiftur út í hálvleikinum í El Clasico móti FC Barcelona. Hann bleiv taklaður á fótin, tá hann heilt tætt undir málinum fekk prikað bóltin um málstrikuna, áðrenn Gerard Pique kom sendandi við eini takling.
Les eisini: Dramatikkur í "El Clasico"
- Beint nú hevur Cristiano Ronaldo tað ikki gott, men eg vænti ikki tað er alvorligt. Hann skal í skannaran mánadagin og hevur sagt við okkum, at tað ikki verður nakað alvorligt, segði Zinedine Zidane á tíðindafundinum eftir El Clasico í gjár.
Tí bendir einki á, at Cristiano Ronaldo situr uttanfyri, tá Real Madrid 26. mai tekur móti Liverpool í Champions League finaluni. Liverpool, sum hevur havt nakað av skaðum at dragast við, hevur eisini fingið góð tíðindi.
Jurgen Klopp segði í farnu viku, at bæði Emre Can og Adam Lallana møguliga verða klárir til finaluna, meðan Nathaniel Clyne, sum hevur sitið uttanfyri alt kappingarárið, byrjaði inni móti Chelsea í gjár.