Í dag klokkan 15 verður HM-finalan millum Frakland og Kroatia. Veddingarfyritøkurnar hava hava Frakland sum favoritt, men higartil hava kroatar ikki lagt í útlitini hjá veddingarfyritøkunum, tí ongin hevði væntað, at liðið kom í finaluna.
Bæði liðini hava allar spælararnar tøkar til dystin. Tað verður Néstor Pitana úr Argentina, sum verður dómari og skal royna at halda skil á pørtunum.
Hetta er fyrstu ferð, at Kroatia er í eini HM-finalu. Besta úrslitið higartil var hálvfinalan í 1998. Tá taptu kroatar fyri júst Fraklandi, ið eftirfylgjandi vann HM. Tað er einastu ferð, at Frakland hevur vunnið HM.
HM-finalan:
Frakland – Kroatia (Sunnudagin klokkan 16)
Leikvøllur: Luzhniki Stadion, Moskva
Dómari: Nestor Pitana, Argentina
Sjónvarp: KVF, DR1
Veddingarfyritøkurnar siga: (Ferðir pengarnar aftur)
Frakland vinnur: 2
Javnleikur: 3.36
Kroatia vinnur: 4.8
Møguligar uppstillingar:
Frakland (4-2-3-1): Lloris – Pavard, Varane, Umtiti, Hernandez – Kanté, Pogba – Mbappé, Griezmann, Matuidi – Giroud
Kroatia (4-2-3-1): Subasic – Vrsajlko, Lovren, Vida, Strinic – Brozovic, Rakitic – Rebic, Modric, Perisic – Mandzukic
