Leita á in.fo

Tróndur Arge 07.11.2018 (20:13)

Eliesar skal venja ungdómin í EB/Streymi

EB/Streymur boðar í kvøld frá, at felagið hevur gjørt ein trý ára sáttmála við Eliesar Olsen, sum skal verða høvðusungdómsvenjari í felagnum. 

 

Les eisini: EB/Streymur kunngjørt nýggjan venjara

 

29 ára gamli Eliesar Olsen er væl kendur í felagnum, har hann eisini hevur verið venjari hjá besta liðnum. Hann hevur í ár verið venjari hjá 2.deildarliðnum, sum flutti upp í 1.deild. Hann hevur eisini verið venjari hjá U21-liðnum, sum kom í steypafinaluna.

 

- Eliesar er 29 ára gamal og hevur A-venjaraskeið. Hóast sín unga aldur hevur hann drúgvar royndinr sum venjari. Vit er ikki í iva um, at við Eliesar á odda í ungdómsfótbóltinum, so hava vit fingi ein mann, ið bæði fer at gera venjarar og spælarar enn betri, skrivar heimasíðan hjá EB/Streymi.

 

Tað er ikki vanligt í føroyskum fótbóltshøpi, at gera sáttmálar, sum eru trý ára langir. Tí tykist talan vera um eitt samstarv, ið báðar partar eru nøgdir við.


Veitst tú eina góða søgu? Skriva til okkara á red(at)in.fo
Les ella lýs í Lýsingartorginum – trýst her