Vágsdreingir umborð á Fiskinum eru FM vinnarar í kappingini millum dreingir í barnaróðrinum.
Í dag endaðu teir á triðja plássi, men samantalt eru teir meistarar.
Í dag vann Heykur úr Hósvík, sum eisini vann á vestanstevnu í Sandavági.
Tá var Fípan Fagra úr Klaksvík næstfremst, og tað var hon eisini í dag.
Úrslitini í dag hava við sær, at Heykur og Fípan Fagra enda við sama stigatali, og so siga ásetingarnar, at tann, sum var betri á ólavsøku eigur betru endastøðuna. Harvið vann Heykur silvur og Fípan Fagra bronsu.
FM gullið fer suður til Vágs.
Barnaróður dreingir
1 Heykur 2.43.26
2 Fípan Fagra 2.45.32
3 Fiskurin 2.45.41
4 Svalan 2.46.16
5 Ternan 2.48.47
6 Pílur 2.49.12
7 Ingibjørg 2.58.36
8 Knúkur 3.01.39
9 Spógvin 3.07.32
FM endastøða
1 Fiskurin 44
2 Heykur 39
3 Fípan Fagra 39