Leita á in.fo

Tróndur Arge 10.10.2018 (15:39)

Fótbóltsgøla: Fleiri feløg eru rannsakað

Løgreglulið hava í dag gjørt húsarannsøkn hjá fleiri fótbóltsfeløgum í eitt nú Belgia, Fraklandi, Serbia, Luksemborg, Makedonia, Montenegro og Kýpros. Illgruni er um avtalað spæl og fíggjarligt svik, skrivar millum annað BT.

 

Tað snýr seg millum annað um 44 rannsøknir í Belgia, og 13 í Fraklandi. 220 løgreglufólk hava staðið fyri rannsøknunum, sum millum annað hevur rakt belgisku stórfeløgini, Anderlecht, Club Brugge og Standard Liege.

 

- Fleiri persónar eru tiknir inn til nærri avhoyringar, verður sagt sambært AFP tíðindastovuni.

 

Mynduleikarnir í Belgia hava boðað frá, at teir hava kannað fleiri pengaflytingar seinastu árini, sum tykjast illgrunasamar. Helst verður meiri at hoyra um málið í næstum.


Veitst tú eina góða søgu? Skriva til okkara á red(at)in.fo
Les ella lýs í Lýsingartorginum – trýst her