Víkingur tryggjaði sær í gjárkvøldið eitt frálíkt útgangsstøði Champions League-undankappingini, tá ið teir í fyrra dystinum á útivølli ímóti íslendska FH fingu 1-1-javnleik við sær heimaftur.
Sorin Anghel fekk tiltuskað sær brotsspark, og Adeshina Lawal setti tað í málið, men tað er ein heilt triði spælari, sum íslendska heimasíðan fotbolti.net hevur kosið sum besta spælara hjá Víkingi.
- Gunnar Vatnhamar. Hann var drúgvur hjá Víkingi, bæði í verju og í álopi. Hann steðgaði nógvum royndum hjá FH við stríðsvilja og at stúta bóltin úr málteiginum, skrivar heimasíðan.
Í Vikuskiftissosialinum hesaferð ber til at lesa leikarametingarnar, sum føroyski miðilin á staðnum, Miðlahúsið, gjørdi frá dystinum.
Seinni dysturin ímillum Víking og FH verður spældur á Tórsvølli týskvøldið í komandi viku. Dysturin byrjar kl.18.00.