Leita á in.fo

Mynd: (Tróndur Arge) Helgi Hoydal er júst komin aftur av sjúkrahúsinum. Boðini eru ikki góð, hann hevur brotið eitt bein í fótinum

Tróndur Arge 12.01.2018 (14:49)

Helgi brotið fótin

Navnframi strikuspælarin á hondbóltslandsliðnum, Helgi Hoydal, hevur brotið fótin og skal sigta uttanfyri í upp til tveir mánaðir. Hann beklaði í dystinum móti Ukraina í gjár.

 

Les eisini: Stór og sterk mótstøða

 

Føroyar taptu í gjár 30-22 fyri Ukraina í fyrsta dystinum av trimum í HM undankappingini. í seinna hálvleiki mátti Helgi Hoydal hjálpast av vøllinum, tá hann beklaði. Hann hevur í dag verið á sjúkrahúsinum og fingið tikið rønktenmynd.

 

Les eisini: Helgi spælir ikki aftur

 

- Eg havi brotið uttasta beini í fótinum. Eg má nokk sita uttanfyri í einar tveir mánaðir, sigur Helgi Hoydal, tungur á málinum.

 

Strikuspælarin er í høllini saman við spælarunum, nú teir hita upp til dystin móti Rumenia. Hann verður ikki heilt arbeiðisleysur, tí hann verður rundanum hópin í upptaktini og í hálvleikinum. Somuleiðis verður hann viðmerkjari á Rás2, sum sigur beinleiðis frá dystinum.

 

Dysturin millum Føroyar og Rumenia byrjar klokkan 15.30. Byrjað verður at senda eftir tíðindini klokkan 15.

 

Ferðafrásøgn út Italia:

1. partur: Úr Føroyum til Bolzano

2. partur: Einki Wi-Fi

 

Veitst tú eina góða søgu? Skriva til okkara á red(at)in.fo
Les ella lýs í Lýsingartorginum – trýst her