Teit Jacobsen er júst komin heimaftur til HB, higar hann er leigaður úr SønderjyskE fram til í summar, og 20 ára gamli vongleikarin er glaður fyri at vera í heimlandinum aftur.
- Tað er fantastiskt at vera komin heimaftur. Serliga at koma heim til øll tey, ið eru mær kær. Eisini bara føroyskan fótbólt, sigur Teit.
Steðgurin í Føroyum verður tó ikki drúgvur, tí Teit ætlar sær framvegis at elta dreymin um eitt fótbóltsævintýr uttanlands.
- Eg eri slett ikki liðugur at droyma. Eg arbeiði hart hvønn dag júst fyri at røkka dreyminum, sigur hann.
Teit Jacobsen er í “fimm skjótir” í Sosialinum í dag, har hann eitt nú eisini greiðir frá hví hann valdi at koma heim, støðu sínari í SønderjyskE og um munin ímillum føroyskan og danskan fótbólt.
