Tað hevur gingið aftur og fram hjá føroyingafelagnum, ÍBV í pepsideildini seinastu dagarnar. Tó kunnu vit fegnast um, at Jónas Tór Næs og Kaj Leo í Bartalsstovu hava verið við frá byrjan báðar dystirnar, sum eru leiktir í pepsideildini farnu fýra dagarnar.
Aftaná ein góða 3-1 heimasigur á KR úti í Vestmannaoyggjunum vitjaði ÍBV á útivølli í Grindavík í kvøld. Grindavík vann 3-1 aftaná at hava verið á odda 3-0 í steðginum. Gunnar Heiðar Þorvaldsson minkaði um munin fyri ÍBV tá ein tími var farin av dystinum, men nærri kom ÍBV ikki.
Ímóti dystarenda fekk Kaj Leo í Bartalsstovu reytt kort fyri at "kava". Sambært Morgunblaðnum var tað púra greitt, at Kaj Leo í Bartalsstovu "kavaði" og fekk sítt seinna gula, og harvið reytt kort.
Farna mikukvøld vitjaðu Gunnar Nielsen og liðfelagarnir í FH í Grindavík. Gunnar og liðfelagarnir sluppu heimaftur við einum stigi aftaná javnleik 1-1.
Í annaðkvøld klokkan 20.15 tekur FH ímóti Víkingi Reykjavík á Kaplakrika leikvøllinum á Hafnarfjørðinum.
Støðan í pepsideildini:
| 1 | Valur | 8 | 6 | 1 | 1 | 14:7 | 19 |
| 2 | Grindavík | 8 | 5 | 2 | 1 | 14:10 | 17 |
| 3 | Stjarnan | 7 | 4 | 1 | 2 | 16:10 | 13 |
| 4 | KA | 8 | 3 | 3 | 2 | 14:9 | 12 |
| 5 | FH | 7 | 2 | 4 | 1 | 14:10 | 10 |
| 6 | Víkingur Reykjavík | 7 | 3 | 1 | 3 | 11:11 | 10 |
| 7 | ÍBV | 8 | 3 | 1 | 4 | 10:15 | 10 |
| 8 | Breiðablik | 7 | 3 | 0 | 4 | 11:14 | 9 |
| 9 | Fjölnir | 7 | 2 | 2 | 3 | 6:9 | 8 |
| 10 | KR | 7 | 2 | 1 | 4 | 9:12 | 7 |
| 11 | ÍA | 7 | 1 | 1 | 5 | 13:17 | 4 |
| 12 | Víkingur Ólafsvík | 7 | 1 | 1 | 5 | 7:15 | 4 |
