Kyndilskvinnur halda fram at vinna

Kvinnurnar hjá Kyndli hava í kvøld vunnið stórsteypadystin móti Neistanum

Kvinnurnar hjá Kyndli hava í kvøld vunnið stórsteypadystin móti Neistanum 24-22. Støðan í hálvleikinum var 11-10. Ein av stóru orsøkunum til sigurin var Maja Dragoljubovic í málinum hjá Kyndli, skrivar Hondbóltssambandið.

 

Kyndil vann sær greiða leiðslu miðskeiðis í seinna hálvleiki. Neistin megnaði ongantíð at svara aftur og tískil stendur Kyndil eftir sum vinnari. Toppskjútti bleiv unga Suna K. Hansen úr Kyndli við átta málum. Daniella Joensen skoraði sjey mál fyri Neistan.

 

Kyndil – Neistin 24-22 (11-10)

Kyndil: Suna K. Hansen 8. Turið Arge Samuelsen 6, Bjarta Johansen 3, Anja Eliasen 2, Bára K. Hansen 2, Gudrun Restorff 2, Lea Durhuus 1

Neistin: Daniella Joensen 7, Marjun Danberg 6, Eir Berg 4, Fríða á Dunga 2, Birita Ingolfsdóttir 1, Brynja Høj 1, Ása Dam á Neystabø 1