Ronaldo kemur til Føroya

Nú er greitt hvørjum londum føroyska fótbóltslandsliðið skal spæla ímóti í komandi undankapping


Klokkan 16 byrjaði stóra lutakastið til HM-undankappingina til heimsmeistaraskapið í Russlandi í 2018. Lutakastið varð hildið í Sankta Pætursborg í Russlandi, og Lars Olsen, Kristin Dam Ziska og Virgar Hvidbro eru staddir til lutakastið sum umboð fyri Føroyar.

 

Júst nú er greitt, hvørjum londum Føroyar skulu spæla ímóti. Okkara mótstøðulið verða Portugal, Sveis, Ungarn, Letland og Andorra.

 

Sostatt kemur ein av heimsins størstu fótbóltstjørnum, Cristiano Ronaldo, á Tórsvøll at spæla landsdyst.

 

Enn er ikki greitt, nær ymsu dystirnir verða leiktir.