Leita á in.fo

(Savnsmynd frá oyggjaleikunum á Jersey)

Heri Simonsen 22.05.2016 (21:20)

Málið er at gerast minst nr. 2 í EM/HM undankappingini

Komandi kvøldini verða tríggir væntandi spennandi EM/HM undankappingardystir í flogbólti, sum allir verða leiktir í høllini á Hálsi í Havn.

 

Mánakvøldið klokkan 20 leika Føroyar og Írland, týskvøldið klokkan 20 leika Føroyar og Liktinstein, og mikukvøldið klokkan 18.30 leika Føroyar og Kýpros, sum verður mett at verða sterkasta mótstøðuliðið.

 

Men Føroyar hava eisini eitt sterkt landslið, har útisetarnir við ársins spælara í Danmark, Sofíu Purkhús ganga á odda. 

 

TRÝST á PÍLIN undir MYNDINI, og hoyr samrøðu við annan av landsliðsvenjarunum, Jóan Petur á Stongum, sum sigur, at málið hjá føroyska liðnum er at gerast minst nummar tvey í EM/HM-undankappingini, so liðið vinnur seg víðari til næsta umfar í EM-undankappingini. Gerast Føroyar nummar eitt vinna tær seg víðari í HM-undankappingini. 

 

Jóan Petur á Stongum staðfestir, at Føroyar hava uttan iva tað sterkasta kvinnulandsliðið í flogbólti nakrantíð, og tær vístu eisini sínar dygdir í einum sera teprum 2-3 tapi ímóti Danmark fyri stuttum. 

 

Fyri føroysku kvinnurnar hevur tað týdning, at áskoðarar í hópatali møta til dystirnar hjá føroyska liðnum og geva liðnum eyka megi við nógvum stuðuli kring vøllin. 


Veitst tú eina góða søgu? Skriva til okkara á red(at)in.fo
Les ella lýs í Lýsingartorginum – trýst her