Leita á in.fo

Mynd: www.hb.fo

André Olsen 10.01.2017 (20:34)

Miðvallarar halda fram

Eins og hini feløgini, brynjar HB seg í hesum døgum til komandi kappingarár í Effo-deildini. Hóast felagið meldaði greitt út aftaná seinasta kappingarár, at málsetningurin til komandi kappingarár fór at vera settur munandi hægri, hevur ikki tann stóra tilgongdin verið í hópinum hjá HB enn.

 

Í gjár ljóðaði tó, at HB hevur fleiri útlendskar leikarar í eygsjón, sum helst koma at styrkja um hópin í næstum.

 

Men í kvøld hevur HB longt sáttmálarnar við tveir av lyklaleikararnar frá í fjør. Talan er um teir báðar sentralu miðvallararnar, Trónd Jensen og Rók av Fløtum Jespersen, ið báðir vóru fastir fúsar á miðvøllinum seinasta kappingarár.

 

Heimasíðan hjá HB skrivar, at felagið fegnast um at tveir av sínum egnu hava valt at leingja við barndómsfelagið. 


Veitst tú eina góða søgu? Skriva til okkara á red(at)in.fo
Les ella lýs í Lýsingartorginum – trýst her