Leita á in.fo

Tróndur Arge 11.02.2019 (11:02)

Neistin sett ungdómsmennara

Michael Bøwig verður ungdómsmennari í Neistanum burturav og byrjar í starvinum 1. mai 2019. Michael er útbúgvin lærari og hevur seinastu 25 árini verið partur av arbeiðinum hjá danska hondbóltssambandinum. 

 

- Neistin vil fegin raðfesta barna og ungdómsarbeiðið høgt og gleðast vit tí um at hava gjørt avtalu við Michael Bøwig og ynskja honum hjartaliga vælkomnum í felagið, skrivar Neistin.

 

Michael Bøwig er útbúgvin hondbóltsvenjari og hevur verið venjari í nógv ár. Hann hevur verið ungdómsvenjari í fleiri donskum feløgum, og hevur drúgvar royndir sum hondbóltsvenjari bæði hjá kvinnum og monnum.

 

Michael var á vitjan hjá Neistanum seinasta heyst, har hann hevði eina royndarvenjing við nøkrum av okkara ungdómsleikarum. Eisini var Michael í Føroyum millum jól og nýggjár, har hann var gestavenjari á hondbóltsskúlanum, sum Neistin fyriskipar á hvørjum ári.


Veitst tú eina góða søgu? Skriva til okkara á red(at)in.fo
Les ella lýs í Lýsingartorginum – trýst her