Toppurin er á útivølli

B71 er á veg til Leirvíkar og Skála í Gundadal at vitja B36


Triðja umfar í næstbestu fótbóltsdeildini verður seinnapartin. Fyrsta bríksl í øllum fimm dystunum verður klokkan 15.00.

Sandoyingar, sum í fjør spældu í 2. deild, hava lagt bragdliga fyri. Saman við Skála hava teir fulla úrtøku. Felags fyri B71 og Skála er, at bæði liðini seinnapartin fara at royna seg á útivølli ímóti næstbestu liðunum hjá feløgunum, sum eru umboðað í bestu deildini. B71 skal spæla í Leirvík, og Skála skal spæla í Gundadali ímóti B36.

Í øðrum umfari endaði tað við málleysum javnleiki, tá ið B68 var í Gundadali og spældi ímóti B36. Í dag skulu toftamenn inn um Løkin at hitta teir næstbestu hjá NSÍ. Tveir dystir vera í Vágum. 07Vestur, sum í vikuni tryggjaði sær Kristian Joensen at verja málið, eigur heimavøll á Valloyrini í Sandavági ímóti teimum næstbestu hjá KÍ, og uppflytararnir í MB fáa í Miðvági vitjan av teimum næstbestu hjá KÍ.

 

3. umfar í dag:

B36-Skála: Hallur Christiansen kl. 15.00

NSÍ-B68: Johan Petur Michelsen kl. 15.00

Víkingur-B71: Vinjard Dam kl. 15.00

07Vestur-KÍ: Bent Tommy Linklett kl. 15.00

MB-AB: Kári J. á Høvdanum kl. 15.00

 

Støðan eftir tvey umfør

B71 og Skála stig

B68 4 stig

07Vestur, Víkingur, KÍ og AB 3 stig

B36 1 stig

NSÍ og MB 0 stig

 

Mynd: b71.fo.