Leita á in.fo

Danjal av Rana 24.06.2015 (20:30)

Ætla sær gull í triathlon

Tað er einki at taka seg aftur í at Føroyar eiga tvey sera sterk kort í triathlon, nú oyggjaleikirnir standa fyri durum. Føroyska ferðalagið fer úr Føroyum í morgin, og millum íðkararnar eru Guðmundur Joensen og Karina Ottosen, sum eru við í heimselituni. Tey í triathlon hava tí góðar vónir um, at tey bæði kunnu vinna Føroyum gull og minna á, at á Bermuda vann Guðmundur Joensen silvur.

 

- Guðmundur Joensen fer eftir gullinum og Karina Ottosen tað sama. Tað verður spennandi, sigur Evald Rasmussen, ferðaleiðari.

 

Hann sigur, at Guðmundur er javnt sterkur í øllum, og tí millum favorittarnar.

- Hann er gamal svimjari, men tað vísir seg, at um tú skalt vera við heilt har frammi, so mást tú vera millum tríggjar teir bestu í øllum. Hann er eisini so taktiskur nú, at hann ikki kemur fyrstur úr hylinum. Hann letur ein ella tveir fara fram um og sparir harvið orku, sigur Evald Rasmussen.

 

Í mikudagssosialinum, ið varð borin út til hvørt húski, er eitt stórt oyggjaleikablað við, har alt, sum er vert at vita um oyggjaleikirnar á Jersey, er at finna.


Veitst tú eina góða søgu? Skriva til okkara á red(at)in.fo
Les ella lýs í Lýsingartorginum – trýst her