Leita á in.fo

mynd: hvirlan.fo

Danjal av Rana 31.08.2015 (11:48)

Fyrsta kvinnan undir minuttin

FM í frælsum ítrótti hevur verið á Tórsbreyt um vikuskifti og leygardagin gjørdi Rebekka Fuglø eitt satt bragd.

Hóast hon var einasta kvinna, sum luttók á 400 metra teininum, gjørdi hon ikki mætari enn at seta nýtt føroyskt met og gerast fyrsta føroyska kvinna, ið hevur runnið teinin undir ein minutt.

Gamla met hennara var á 60,22 sekund, men leygardagin skavaði hon yvir eitt sekund av tíðini, so nýggja metið er nú 59,17 sekund.

Hetta var seinna gullheiðursmerki, hon vann leygardagin, tí hon hevði júst vunnið kappingina á 800 metrum eisini. 


Veitst tú eina góða søgu? Skriva til okkara á red(at)in.fo
Les ella lýs í Lýsingartorginum – trýst her