Leita á in.fo

Pætur Albinus 23.12.2018 (19:45)

Tað regnaði við bamsum

Tað var ein serlig løta undan dystinum, tá ið sponsku liðini Real Betis og Eibar í gjár spældu 1-1-javnleik á leikvøllinum hjá Real Betis, Estadio Benito Villamarín í Sevilla.


Áskoðararnir hjá Real Betis hava sum siðvenju at tveita bamsur og aðrar leikur á vøllin undan seinasta dystinum undan jólum, og hetta gjørdu teir 49.426 áskoðararnir aftur í gjár.


Bamsurnar og leikurnar verða latnar til børn í Sevilla-økinum, sum hava tørv á jólahjálp.


- Hetta fara vit at minnast í allar ævir. Takk fyri at tit enn eiunaferð vísa okkum, at tit eru heimsins bestu fjepparar, skrivar Real Betis í einari tøkk til fjeppararnar á twitter.


Veitst tú eina góða søgu? Skriva til okkara á red(at)in.fo
Les ella lýs í Lýsingartorginum – trýst her