Leita á in.fo

Samrøða við Lars Olsen um landsliðsúttøkuna 11. mars 2019

Tróndur Arge 12.03.2019 (18:35)

Tí er Karstin úttikin

Málverjin hjá Skála, Karstin Hansen, er nýggjur á føroyska landsliðnum. Hann er ein av teimum tjúgu, sum landsliðsvenjarin hevur úttikið til komandi tveir útidystirnar móti Malta og Rumenia.

 

Hoyr samrøðuna við Lars Olsen við at trýsta á pílin undir myndini

 

- Hann hevur staðið seg væl á U21-landsliðnum, so vit vilja gjarna siggja hann nærri. Hetta gevur eisini málmansvenjaranum, Emeka Andersen, ein møguleika at gera eina meting av honum, sigur Lars Olsen.

 

Spælarar sum Jógvan Rói Davidsen, Gunnar Vatnhamar, Meinhard Olsen og Patrik Johannesen vórðu ikki úttiknir hesaferð, meðan Magnus Egilsson, Árni Frederiksberg, Klæmint A. Olsen og Jákup L. Thomsen hava fingið afturval.

 

Allir teir, sum vanliga eru við á vøllinum fyri landsliðið, eru eisini við hesaferð. Serliga kemur tað væl við, at Jóan Símun Edmundsson er tøkur aftur til landsliðið. Hann var ikki við í november, tá landsliðið spældi móti Aserbadjan og Malta í Nations League. Dystirnir móti Malta og Rumenia verða 23. og 26 mars. Báðir eru á útivølli.

 

Hópurin:

Málmenn:

Gunnar Nielsen, FH

Teitur M. Gestsson, HB

Karstin Hansen, Skála

 

Verjuspælarar:

Atli Gregersen, Víkingur

Odmar Færø, Ham Kam

Viljormur Davidsen, Vejle

Magnus Egilsson, HB

Gilli Sørensen, Brann

Sonni R. Nattestad, Fredericia

 

Miðvallarspælarar:

Heini Vatnsdal, Fremad Amager

Rene Shaki Joensen, Grindavík

Hallur Hansson, AC Horsens

Brandur H. Olsen, FH

Rógvi Baldvinsson, Bryne

Kaj Leo í Bartalsstovu, Válur

Árni Frederiksberg, B36

Sølvi Vatnhamar, Víkingur

 

Álopsspælarar:

Jóan Símun Edmundsson, Arminia Bielefeld

Jákup Thomsen, FH

Klæmint Olsen, NSÍ


Veitst tú eina góða søgu? Skriva til okkara á red(at)in.fo
Les ella lýs í Lýsingartorginum – trýst her