Leita á in.fo

Tróndur Arge 08.11.2018 (12:58)

Tottenham fær átalu fyri argandi lýsing

Tottenham hevur fingið eina átalu frá mynduleikinum, eftir at felagið fyrr í ár gjørdi lýsingar, har tað stóð, at nýggi heimavøllurin hjá Tottenham er einasta staðið í London, har tú kanst síggja Champions League fótbólt. Hetta sum eitt skot til Arsenal og Chelsea, ið ikki megnaðu at vinna seg í meistarakappingina.

 

Les eisini: Mourinho fekk øði í Juventus

 

Trupulleikin er, at nýggi leikvøllurin er ikki blivin liðugur til tíðina. Nú verður hann væntandi ikki klárur fyrr enn eftir ársskiftið og Tottenham spælir á Wembley. Hartil gongur so illa hjá Tottenham í bólkaspælinum í Champions League, at tað er ein rímuliga stórur møguleiki fyri, at liðið er útsligið áðrenn ársskiftið.

 

Hetta hevur fingið onkran at senda ein klæðu til mynduleikarnar. Dailymail skrivar í dag, at mynduleikarnir á økinum, The Advertising Standards Authority, hava sent eina átalu til Tottenham við reglugerðini, har tað millum annað stendur, at tað er ikki loyvi koma við villeiðandi upplýsningum í lýsingum.

 

Tottenham spælir í løtuni sínar heimadystir á tjóðarleikvøllinum hjá Onglandi, Wembley. Liðið hevur nú tvey umfør at innheinta Inter Milan, sum hevur trý stig fleiri í bólkinum í Champions League.

 

Bólkur B – fjórða umfar:

Inter Milan – FC Barcelona 1-1

Tottenham – PSV 2-1

 

Støðan:

1.    FC Barcelona 10 (stig)

2.    Inter Milan 7

3.    Tottenham 4

4.    PSV 1


Veitst tú eina góða søgu? Skriva til okkara á red(at)in.fo
Les ella lýs í Lýsingartorginum – trýst her