Leita á in.fo

Pætur Albinus 09.07.2018 (21:05)

Verður dýrasti danski spælarin

Danski verjuleikarin, Jannik Vestergaard, hevur í eina tíð verið settur í samband við eitt skifti úr týska felagnum, Borussia Mönchengladbach, har hann hevur spælt seinasta hálva fjórða árið.


Sky Sports sigur seg vita, at Premier Leauge-felagið, Southampton, er tilreiðar at rinda 151,5 milliónir krónur fyri 25 ára gamla Jannik Vestergaard, sum er uppvaksin í Brøndby IF, men skifti til týska Hoffenheim í 2010.


Um skiftið gerst veruleiki, sum Sky Sports væntar tað verður seinni í vikuni, so gerst Jannik Vestergaard dýrasti danski spælarin í søguni. Dýrasti higartil er Thomas Delaney, sum nýliga skifti úr Werder Bremen til Borussia Dortmund fyri 150 milliónir krónur.


Dýrastu donsku leikararnir:

1. Thomas Delaney, Werder Bremen til Borussia Dortmund – 150 milliónir krónur

2. Pierre Emil Højbjerg, Bayern München til Southampton – 115 milliónir krónur

3. Jannik Vestergaard, Werder Bremen til Gladbach – 105 milliónir krónur

4. Christian Eriksen, Ajax til Tottenham – 101 millión krónur

5. Simon Kjær, Palermo til Wolfsburg – 101 millión krónur


Kelda: Ekstrablaðið


Veitst tú eina góða søgu? Skriva til okkara á red(at)in.fo
Les ella lýs í Lýsingartorginum – trýst her