Danmark hvíldi Mikkel Hansen, og Jannick Green slapp at royna seg í málinum ístaðinfyri Niklas Landin, tá Danmark í tí fimta dystinum í bólki D í HM-endaspælinum í manshondbólti møtti Katar.
Danmark vann 32-29. Í steðginum var Katar á odda 16-14, og Katar var eitt skiftið á odda við fýra málum í seinna hálvleiki, men danir fingu rætta uppá tingini seinastu løtuna, og vunnu eitt enda. Jesper Nøddesbo, sum ikki hevur fingið so nógva spælitíð higartil gjørdist danskur toppskjútti við átta málum.
TRÝST á PÍLIN á MYNDINI, og síggj hæddarpunktini frá dystinum millum Katar og Danmark.
Úrslitini í dag
Bólkur C :
Chile-Saudi Arabia 25-26 (13-13)
Hvítarussland-Ungarn 27-25 (15-13)
Týskland-Kroatia 28-21 (13-9)
Týskland fekk 10 stig, og Kroatia átta stig. Hvítarussland gjørdist nummar trý við fýra stigum, og Ungarn gjørdist nummar fýra eisini við fýra stigum. Aftast eru Saudi Arabia og Chile, sum fingu tvey stig hvør.
Bólkur D :
Katar-Danmark 29-32 (16-14)
Bahrain-Argentina 17-26 (8-13)
Svøríki-Egyptaland 33-26 (15-9)
Danmark fekk tíggju stig, og Svøríki fekk átta stig. Egyptaland fekk seks stig, og Katar fýra stig. Argentina fekk tvey stig, og Bahrain endaði aftast við ongum stigi.
Àttandapartsfinalurnar verða leiktar soleiðis :
Leygardagin :
Klokkan 15: Noreg-Makedonia
Klokkan 17: Frakland-Ísland
Klokkan 19.45: Russland-Slovenia
Klokkan 19:45: Spania-Brasil
Sunnudagin :
Klokkan 15: Hvítarussland-Svøríki
Klokkan 15: Danmark-Ungarn
Klokkan 17: Týskland-Katar
Klokkan 19.45: Kroatia-Egyptaland
Fjórðingsfinalurnar verða leiktar týsdagin 24. januar.