TRÝST á PÍLIN á MYNDINI, og síggj hæddarpunktini frá dystinum í donsku superliguni millum Randers FC og AC Horsens, sum var spældur í Randers ígjár. AC Horsens vann dystin 1-0, og liggur nú á einum triðja plássi í donsku superliguni.
Í seinasta dystinum fyri AC Horsens undan landsdystunum móti Lettlandi og Ungarn, er Hallur Hansson farin skaddur av vøllinum. Hann spældi 80 minuttir, áðrenn hann bleiv skiftur út í Superliga dystinum móti Randers FC.
Hallur Hansson, sum eftir 73 minuttir hevði runnið mest av AC Horsens spælarunum, tveitti seg niður eftir bóltinum, tá ein spælari traðkaði á knæið hjá føroyska landsliðsspælaranum. Hallur Hansson tóktist fáa sera ilt, tí hann kláraði ikki at traðka til, tá hann kom á føtur aftur, men mátti fáa hjálp at koma av vøllinum.
- Tað er bara eitt slag og eg merki av tveimum dobbum í knænum, men eg eri klárur til landsdystirnar, sigur Hallur Hansson við TV3 Sport.
Fyrr í dystinum var hann í hornatøkum við ein spælara hjá Randers FC, sum tóktist spýta eftir honum. Tað sást ikki greitt á upptøkunum, men reaktiónin hjá Halli Hansson var ikki til at taka feil av. Tí bleiv hann eisini spurdur um hendingina.
- Ja, hann spýtti meg í andlitið. Mær dámar væl, at spælarar leggja nógv fyri, men tað er ikki í ordan at spýta, sigur Hallur Hansson.
AC Horsens vann útidystin móti Randers FC 1-0. Dysturin var annars eitt meistarverk í vánaligum fótbólti. Hvørki av liðnum kláraði at spæla nakað serlig, men onkrir møguleikar vóru.
Støðan:
1
10
8
20
2
10
7
19
3
11
5
19
4
10
9
18
5
10
7
18
6
10
2
17
7
11
-2
14
8
10
1
13
9
10
-1
12
10
10
3
11
11
10
-6
10
12
10
-10
9
13
11
-15
9
14
11
-8
7
