Leita á in.fo

Heri Simonsen 05.08.2018 (00:15)

VIDEO: Seinasta korterið gjørdist dýrt hjá Vejle

Viljormur Davidsen og liðfelagarnir í Vejle eru ikki longur ósigraðir í bestu donsku fótbóltsdeildini.

 

Viljormur Davidsen spældi allan dystin, tá Vejle á heimavølli tapti 1-3 ímóti meistaraliðnum, FC Midtjylland.

 

Allan Sousa legði Vejle á odda tá 17 minuttir, tá hann setti returbóltin frá einum brotssparki hann sjálvur brendi í málið til 1-0. Vejle var á sigurskós heilt til 79 minuttir vóru farnir. Tá slapp Rasmus Nicolaisen at stúta tvey hornaspørk í málið hjá Vejle innanfyri fimm minuttir, ið er eitt stórt vónbrot fyri Viljorm Davidsen og liðfelagarnar. Triðja málið var ein avleiðing av, at Vejle mátti satsa alt, og so staðfesti Mads Døhr Thychosen sigurin hjá FC Midtjylland við einum hepnum máli.

 

Vejle – FC Midtjylland 1-3 (1-0)
17. 1-0 Allan Sousa
79. 1-1 Rasmus Nicolaisen
84. 1-2 Rasmus Nicolaisen
87. 1-3 Mads Døhr Thychosen

 

TRÝST á PÍLIN á MYNDINI, og síggj hæddarpunktini frá dystinum millum Vejle og FC Midtjylland. 


Veitst tú eina góða søgu? Skriva til okkara á red(at)in.fo
Les ella lýs í Lýsingartorginum – trýst her