fyrst og fremst

alt text

Veðrið í dag:

Hiti 0°C

Vindur 8.6m/s

Leita á in.fo

 19.04.2017 (10:30)

FORMAÐUR (M/K) FYRI MASKINFÓLK HJÁ P/F VARÐIN PELAGIC Á TVØROYRI

Á teknisku deild er eitt starv sum formaður fyri maskinfólkinum leyst at søkja til byrjan skjótast gjørligt.

 

Av tí at núverandi formaður nærkast eftirlønaraldrinum, leita vit eftir einum nýggjum formanni at standa á odda fyri dagliga arbeiðnum hjá maskinfólkunum á Varðanum Pelagic. Formaðurin vísir beinleiðis til tekniska leiðaran.

 

Arbeiðsuppgávur

Nakrar av fremstu dagligu arbeiðsuppgávunum eru at:

-          samskipa og tilrættaleggja arbeiðsuppgávurnar hjá maskinfólkinum.

-          hava ábyrgd fyri m.a. køli- og frystiskipanini og viðlíkahaldsskipanini.

 

Førleikakrøv

Ynskiligt er, at formaðurin hevur útbúgving sum maskinmeistari og hollar arbeiðsroyndir innan økið, men eisini onnur eru vælkomin at søkja.

Harumframt verður ynskt, at formaðurin hevur ávísar leiðslueginleikar og -royndir og dugir væl at leiða, samskipa og motivera fólk, eins og formaðurin skal leggja dent á gott arbeiðslag og samstarv við leiðslu og starvsfólk.

Sum persónur er formaðurin væl skipaður, støðugur, tekur við ábyrgd og megnar bæði at arbeiða sjálvstøðugt og í tvørfagligum toymum.   

 

Setanarviðurskifti

Formaðurin fyri maskinfólki hevur eina vanliga arbeiðstíð á 40 tímar um vikuna, millum 07:00 og 17:00. Tó kann væntast onkur tilkalling, tá tørvur er á tí. Starvið er tímalønt og verður sett eftir sáttmála við avvarandi yrkisfelag.

 

Av praktiskum áðum, so skal tann, ið settur verður, annahvørt búgva fast í Suðuroy ella vera sinnaður at flyta til Suðuroy.

 

Umsókn

Umsókn við avritum av prógvum, CV og møguligum viðmælum verða send í telduposti til frodi(at)vardinpelagic.fo

ella sum vanligt bræv til:

 

 

 

Varðin Pelagic

Havnarlagið 11

Postrúm 68

800 Tvøroyri

att.: Fróði Petersen.

 

 

 

Umsóknarfreistin er mánadagin 15. mai 2017 kl. 16.00.

 

 

 

Allar umsóknir verða viðgjørdar í trúnaði.

 

Nærri upplýsingar um starvið

Nærri upplýsingar um starvið fáast við at venda sær til Fróða Petersen, tekniska leiðara á tlf. 29 17 80 ella frodi(at)vardinpelagic.fo 

hava deilt hesa grein.