Skip to main content

Vit leita eftir veg- og betongarbeiðarum til Suðuroyar.

 

Hevur tú hug at arbeiða í einum mennandi og fjølbroyttum umhvørvi við avbjóðingum hvønn dag, so er tað tær, vit leita eftir.

 

Arbeiðsøki

 

Tú kemur millum annað at arbeiða við fylgjandi uppgávum:

·         Forskalling

·         Jarnbinding

·         Stoyping

·         Vegarbeiði

·         Aðrar fyrifallandi uppgávur

 

Tín vangamynd

 

Tú verður partur av einum toymi, har vit stuðla hvør øðrum at røkka settum málum.

 

Vit vænta, at tú:

  • er røkin og álítandi
  • er arbeiðsom/-samur
  • hevur góð samstarvsevnir

 

Vit bjóða

·         Góð og skipaði arbeiðsviðurskifti.

·         Nútímans útgerð.

·         Tú hevur eisini møguleika at menna teg bæði fakliga og persónliga.

·         Eitt arbeiðspláss, har tú upplivir dygd, trygd og trivnað.

·         Eitt fjølbrott arbeiðspláss

 

Løn

Starvið verður sett skjótast til ber. Lønin og setanartreytir verða samsvarandi royndum og førleikum.

 

Meira at vita

Hevur tú spurningar um starvið, kanst tú venda tær til Torleif Waagstein, verkætlanarleiðara, á telefon 216122.

 

Umsókn

Umsóknin skal sendast til [email protected] í seinasta lagi 24. mai 2019.

 

ArtiCon varð stovnað í 2001 og er í dag millum størstu byggifyritøkur í Føroyum. Felagið tekst við størri og smærri byggi-, jørð- og lendisarbeiði, og ger alt slag av apteringsarbeiðum umborð á bátum og skipum. Vit leggja dent á at vera ein álítandi samstarvsfelagi og seta dygd, trygd og trivnað í hásæti. Í fyritøkuni starvast í løtuni umleið 300 fólk.