Tað er stórur munur á dýrast og bíligasta tilboðnum at byggja nýggjan skúla á Oyrarbakka.
Tilboðini upp á at byggja nýggja skúla og ítróttarhøll við Streymin vórðu latin upp í dag.
Seks tilboð komu upp á arbeiðið, og var prísurin sera ymiskur. Munurin millum hægsta og lægsta tilboðið var yvir 23,7 milliónir krónur.
Sp/F Jóan Petur Vang Byggimeistari hevði lægsta tilboðið, sum ljóðaði upp á 62,6 milliónir krónur, og hægsta boðið átti TG-Verk, sum beyð sær at gera arbeiðið fyri 86,3 milliónir krónur
Tilboðini vóru hesi:
MTHøjgaard | kr. 76.318.317,00,- |
Búsetur | kr. 66.755.971,70,- |
TG-Verk | kr. 86.336.195,00,- |
Jóan Petur Vang, Byggimeistari | kr. 62.629.219,00,- |
KBH | kr. 63.644.864,00,- |
Kanjon | kr. 68.198.400,00,- |
Metingin frá ráðgevarunum var á 62,4 milliónir krónur.
– Tilboðini verða nú kannað, og støða verður so tikin til, hvørjum boði tikið verður av, siga tey í Sunda kommunu.