Leita á in.fo

Danjal av Rana 11.07.2018 (15:43)

7. B á Argjahamri tók vakrastu myndina

Í mai skipaði Tórshavnar kommuna fyri árligu ruddingardøgunum. Nógvar tilmeldingar vóru, og serliga vóru tað dagstovnar, skúlaflokkar og eigarafeløg, sum vóru røsk at fara út at rudda í nærumhvørvinum. Tilsamans var 54,4 tons av burturkastið fingið til høldar í sambandi við ruddingardagarnar.

 

Í sambandi við ruddingardagar varð skipað fyri myndakapping í trimum ymiskum myndabólkum: Tann vakra, tann ræðandi og tann stuttliga. Nógvar góðar og stuttligar myndir komu inn. Turið Horn, forkvinna í Náttúru- og umhvørvisnevndini, handaði í seinastu viku teimum trimum vinnarunum vinningin áljóðandi kr. 4.000 til hvønn.

 

Teir tríggir vinnararnir vóru:

 

- Tann vakra: 7. b í Skúlanum á Argjahamri

- Tann ræðandi: Dagstonvurin Kurla

- Tann stuttliga: 2.b í Frítíðarskúlanum í Badmintonhøllini

 

Nakrar myndir, millum annað vinnaramyndirnar, eru at síggja niðanfyri. Myndin omanfyri er tann hjá 7. B á Argjahamri.

 

Fyrstu myndirnar í myndarøðini niðanfyri, eru tann vakra, tann ræðandi og tann stuttliga. Síðani er ein floksmynd av 7. b og hareftir útvaldar myndir av teimum, sum blivu sendar inn.

 

Fleiri myndir frá ruddingardøgunum eru á síggja á heimasíðuni hjá kommununi HER.

 

Veitst tú eina góða søgu? Skriva til okkara á red(at)in.fo
Les ella lýs í Lýsingartorginum – trýst her