fyrst og fremst

alt text

Veðrið í dag:

Hiti 4°C

Vindur 5.7m/s

Leita á in.fo

Danjal av Rana 03.01.2018 (18:01)

Annika: Vit gera alt vit kunnu

Nógv fólk vóru komin saman á Vaglinum seinnapartin í dag, har foreldur skipaðu fyri stuðulstiltaki til frama fyri námsfrøðingarnar, sum eru í verkfalli ella eru raktir av verkbanni.

 

Katrin Jacobæus, sum saman við Unn Thomsen og Paulu Patursson, tók stig til tiltakið á Facebook, segði í røðu frammanfyri Tinghúsið, at hon var rørd og takksom fyri, at so nógv fólk vóru komin at vísa námsfrøðingunum stuðul. Eisini heitti hon á námsfrøðingarnar um at standa við síni lønarkrøv.

 

Í sambandi við stuðulstiltakið vórðu undirskriftirnar, sum stigtakararnir til stuðulstiltakið hava savnað seinastu dagarnar, handaðar Anniku Olsen, forkvinnu í Kommunala Arbeiðsgevarafelagnum. Úti við 1500 fólk hava skrivað undir, at tey stuðla námsfrøðingunum í stríðnum fyri at fáa betri løn.

 

Annika Olsen lovaði í stuttari røðu, at tey fara at gera alt, sum tey kunnu, fyri finna eina loysn skjótt á trætuni millum Føroya Pedagogfelag øðrumegin og Kommunala Arbeiðsgevarafelagið og Fíggjarmálaráðið hinumegin.


Veitst tú eina góða søgu? Skriva til okkara á red(at)in.fo
Les ella lýs í Lýsingartorginum – trýst her