fyrst og fremst

alt text

Veðrið í dag:

Hiti 10°C

Vindur 5.4m/s

Leita á in.fo

Jóannes Hansen 13.08.2017 (15:10)

B36 vann 32-0!

Tíbetur eru dómaraseðlarnir nú talgildir. Um tað var gamla slagið av seðlum, so hevði tað verið trupult at fáa pláss fyri málskjúttunum hjá Rana A. Skaalum, sum var dómari, tá ið teir næstbestu hjá B36 tíðliga seinnapartin høvdu vitjan av ÍF.

 

B36 vann 32-0. Hálvleiksstøðan var 17-0. Støðan var 9-0, tá ið tjúgu minuttir vóru farnir.

 

Tað vóru sjey ÍF spælarar á vøllinum, tá ið dómarin bríkslaði fyri fyrstu ferð, og ein legðist aftrat í fyrra hálvleiki. Tað hevur gingið illa hjá ÍF at manna næstbesta liðið, sum einki stig hevur vunnið síðani uppflytingina í fjør.

Teir átta, sum í dag møttu upp, ásanna ivaleyst saman við øllum øðrum, at tað næsta ár sannlíkt verður hugaligari, tá ið ÍF fer at spæla ímóti meiri hóskandi mótstøðuliðum í 2. deild.

Størsti sigurin higartil í ár var annars, tá ið HB 29. apríl vann 13-1 í Fuglafirði. Tað er neyvan nakrantíð áður komið fyri, at eitt lið í 1. deild hevur vunnið við 32 málum.

 

B36 málskjúttarnir: Uni Holm Johannesen (7), Magnus Holm Jacobsen (6), Heini í Skorini (4), Hugin Samuelsen (4), Árni Gulborg Nielsen (3), Gilli Samuelsen (3), John Hansen (2), Áki H. Olsen (2) og Símun Joensen (1).


Veitst tú eina góða søgu? Skriva til okkara á red(at)in.fo
Les ella lýs í Lýsingartorginum – trýst her