fyrst og fremst

alt text

Veðrið í dag:

Hiti 9°C

Vindur 13.5m/s

Leita á in.fo

Frá vinstru: Ólavur Thomsen, Suni Justinussen, Oddvald Olsen og Regin Jacobsen

Eyðun Klakstein 13.03.2018 (08:53)

Bakkafrost keypir nýtt fóðurskip

Bakkafrost hevur gjørt avtalu við JT electric um keyp av einum 75 metra langum fóðurskipi. Hetta er annað fóðurskip av hesari stødd, sum JT electric skal lata Bakkafrost í 2018.

– Vit fegnast um, at Bakkafrost enn einaferð hevur valt eina tílíka loysn frá okkum, sigur Suni Justinussen, stjóri á JT electric.

Fóðurskipið verður útgjørt við framkomnu fóðurskipanini, sum er ment á Kambsdali. Fólk frá JT electric skulu leiða umbyggingina, sum verður gjørd á einari skipasmiðju í Póllandi. Tøknin umborð verður framleidd í Føroyum og síðan sett í skipið á pólsku skipasmiðjuni.

Hetta er áttanda fóðurskipið, sum JT electric letur føroysku alarunum. Á JT electric starvast 33 fólk, harav 6 fólk arbeiða á eini menningardeild, sum arbeiðir við at menna nýggjar skipanir og vørur til alivinnuna í Føroyum og uttanlands. 


Veitst tú eina góða søgu? Skriva til okkara á red(at)in.fo
Les ella lýs í Lýsingartorginum – trýst her