Tað var eitt gott hjá P/f Bygma Balslevs Timburhandil & Byggibúð í fjør. Felagði hevði slakar 13 milliónir krónur í yvirskoti, sum er nær um hálva aðru millión meira enn árið fyri.
Bruttuúrslitið er góðar 43,7 milliónir krónur í mun til góðar 40,6 árið fyri. Starvsfólkakostnaðurin í fjør var 25,2 milliónir í mun til 23,9 árið fyri.
Í leiðslufrágreiðingini skrivar felagið, at leiðslan metir, at virksemið verður tað sama í ár, sum tað var í fjør – og eisini verður roknað við sama úrslitið næsta ár.
Eginogning hjá Bygma Balslev er 80,2 milliónir krónur. Vinningsbýtið til partaeigararnar fyri 2017 er upp á 20 milliónir krónur.
Tað er A/S Bygma í Herlev í Danmark, sum eigur partapeningin í P/F Bygma Balslevs Timburhandil & Byggibúð.
Í stjórnini hjá P/F Bygma Balslevs Timburhandil & Byggibúð eru:
Bent á Lava, Tórshavn
Helgi Joensen, Hvítanes
Sjúrður Olsen, Argir
Í nevndini sita:
Peter Hellerung Christiansen, Vedbæk, nevndarformaður
Klaus Hadsbjerg, Næstved, nevndarlimur
Niels Winther Poulsen, Hoyvík, nevndarlimur
Peter Schepler, Frederikshavn, nevndarlimur
Tummas Osmundarson Justinussen, Tórshavn, nevndarlimur
