Bilar stoyttust í ánna tá brúgvin hoknaði

Bjargingarfólk leitaðu eftir fólkum í tveimum bilum, sum stoyttust í eina á, eftir at ein ferja rakti ein brúgvarstólpa.


Tveir bilar koyrdu á brúnni í Amazonas-landslutinum í Brasilia og stoyttust í ánna Moju, tá ein ferja sigldi á ein brúgvarstólpa.

##med2##

Tað er enn ikki eydnast bjargingarfólkum at finna fólkini, sum vóru í teimum báðum bilunum.

Eygnavitni hava greitt frá, at tey sóu tveir lítlar bilar detta í ánna, tá ferjan rakti brúgvarstólpan so hart, at umleið 200 metrar av teirri 860 metra longu brúnni hoknaði.

Tað er ógreitt, hvussu nógv fólk vóru í bilunum.

Tann partvís niðurdotna brúgvin byrgir av vatnvegin til Belem, sum er ein av virknastu havnum í Brasilia, upplýsa myndugleikarnir.

##med3##

Eingin umborð á ferðuni fekk skaða av vanlukkuni.

– Hetta er ein tungur dagur, sigur Helder Barbalho, guvernørur í landslutinum Pará í norðrara Brasilia.

– Raðfesting okkara er nú at skerpa leitingina eftir offrunum og veita familjum teirra allan okkara stuðul.

Miðlar á staðnum greiða frá, at ein kanning av brúnni í januar avdúkaði rust á brúgvastólpunum. Landspartastjórnin bað um pengar til at bøta um trupulleikan, men valdi ikki at steingja brúnna fyri ferðslu.

##med4##

Til brúgvin er endurbygd, verða prámar settir at sigla um ánna.

Roknað verður við, at umvælingararbeiðið fer at taka umleið eitt ár og kosta 150 milliónir krónur í okkara pengum.

Harumframt verða stólparnir á øðrum brúgvum vardir enn betri enn nú.

Í 2014 rakti ein bátur ein stólpa á eini aðrari brúgv í økinum, og tá hoknaðu 50 metrar av brúnni.

##med5##

##med6##

##med7##

/ritzau/AP

brúgv brasilia 20190407 024037 5v web