Bilasølan er minkað við fimm prosentum í ár

Men tað verða framvegis seldir næstan tríggjar ferðir so nógvir persónbilar, sum í 2009

Stóra framgongdin í søluni av nýggum bilum í Føroyum hevur nú javnað seg, og annað árið á rað er ein lítil afturgongd í søluni.

Men framgongdin hevur verið stór seinastu árini, og tí kemur lítla afturgongdin nú valla óvæntað hjá bilasølunum.

Um vit samanbera bilasøluna í fjør (2016) við bilsøluna í 2009, tá afturgongdin rættiliga merktist, so er munurin ovurstórur. Í samlaða talinum av seldum akførum er munurin 257 prosent. Altso talan er um ein vøksturin í samlaðu søluni av nýggjum akførum í Føroyum frá 2009 til 2016 upp á 257 prosent.

Taka vit munin í søluni í persónbilum frá 2009 til 2016, so er munurin enn størri – 284 prosent.

Søgan sigur okkum, at sera stór sveiggj eru í bilasøluni, alt eftir, hvussu tíðirnar eru. Í áttitiárunum setti bilasølan met við væl oman fyri 2.000 nýggjum bilum. Í 1995 botnaði bilasølan við bara 123 nýggjum bilum, og næstan allar bilasølurnar fóru á húsagang.

Men síðani 2009 hevur verið støðug framgongd.

Talvan niðanfyri vísir gongdina í søluni av nýggjum akførum í Føroyum síðani 2008 – og munin í prosentum í mun til árið fyri:

Talvan niðanfyri er frá Akstovuni og vísir gongdina í bilasøluni í Føroyum fyrstu átta mánaðirnar í ár.