Í einum nýggjum dokumentari halda tveir mans uppá, at teir sum smádreingir vóru kynsliga misnýtir av Michael Jackson.
Búgvið eftir Michael Jackson heldur, at amerikanska sjónvarpsstøðin HBO hevur framt avtalubrot. Tí stevnir búgvið nú tænastuna fyri 100 milliónir dollarar.
Tað skrivar tíðindastovan AP.
Sjónvarpsstøðin verður stevnd vegna dokumentarfilmin »Leaving Neverland«, sum vænandi verður send í næsta mánaði.
Í dokumentarinum trýna tveir mans fram og siga, hvussu teir sum smádreingi vórðu kynsliga misnýttir av teirri nú deyðu poppstjørnuni.
Men í stevningini, sum er latin Los Angeles County Superior Court í gjár, heldur búgvið uppá, at HBO brýtur eina avtalu frá 1992.
Fyri at HBO kundi sleppa at vísa konsertirnar hjá Michael Jackson, gjørdi sjónvarpsstøðin tá eina avtalu um ikki at niðra Michael Jackson.
Sambært stevningini rør dokumentarfilmurin uppundir, at poppstjørnan gjørdi seg inn á børn undir »Dangerous« rundferðini, sum konsertupptøkurnar eru frá.
Búgvið heldur, at avtalan eisini er galdandi í dag, og at skaðarnir, sum úrslit av filminum kunnu fara upp um 100 millionir krónur.
HBO hevur fleiri ferðir vart dokumentarfilmin. Kanalin upplýsir í eini útsøgn, at hon framvegis hevur ætlanir um at vísa »Leaving Neverland«.
– Dan Reed er virðislønarvinnandi filmsframleiðari, sum umhugsin hevur skjalprógvað frásagnirnar hjá teimum eftirlivandi.
– Fólk áttu at bíða við at droymt, til tey hava sæð filmin, sigur HBO sambært AP í útsøgnini.
»Leaving Neverland varð frumframsýndur við Sundance Film Festival í januar.
Fyrr í februar fekk handilsmiðstøðin Rødovre Centrum í Rødovre í Stórkeypmannahavn harðar ábreiðslur frá foreldrum, sum vórðu særd av, at miðstøðin hevði sett fram ein figur av Michael Jackson.
Tað fekk tó miðstøðina at beina tey burtur, men so vórðu tey eisini kritiserað. Michael Jackson-standmyndin er síðani endurreist.
/ritzau/
