Burn: FM-fjórðingsfinalu vónin hjá Team Klaksvík livir enn

FM-fjórðingsfinaluvónin hjá Team Klaksvík í Burn mansdeildini livir enn.

Team Klaksvík vann 22-21 á KÍF í Badmintonhøllini í Klaksvík. Málverjin hjá Team Klaksvík, David Henigman bjargaði einum brotskasti hjá KÍF í allarseinasta sekundinum av dystinum.

Í steðginum var Team Klaksvík á odda 12-11.

Nikolay Bliznov var toppskjútti hjá Team Klaksvík við seks málum. Toppskjútti hjá KÍF við fimm málum var Rasmus Søby. 

Sigurin merkir, at Team Klaksvík við tveimum dystum eftir hevur sjey stig á sjeynda plássinum. StÍF hevur 10 stig á sætta plássinum, men teir hava bert ein dyst eftir at spæla.

Sunnudagin 24. mars spæla Team Klaksvík og VÍF í Badmintonhøllini í Klaksvík. Um Team Klaksvík fær stig tá, so verður finala um sætta plássið í høllini á Skála, leygardagin 30. mars millum StÍF og Team Klaksvík.

HER ber til at síggja dómaraseðilin frá HSF:

##med2##