Leita á in.fo

Kirkja. Mynd: Ingi Sørensen

Danjal av Rana 11.07.2018 (10:25)

Eingin serligur hoyterri komandi dagarnar

Ein hátrýstsryggur beint sunnan fyri Føroyar fer í ein sunnan og lýggj og slavin luft rekur inn yvir okkum av útsynningi. Fleiri brúgvaløg við regni fara av og á framvið. Seinast í vikuni fara sterkari brúgvaløg stundum framvið okkum úr útsynningi.

 

Veðrið í dag

Lot til andøvsgul fyri tað mesta av vestri, undir 8 m/s. Yvirhøvur skýggjað og stundum regn. Hitin millum 10 og 15 stig.

 

Í morgin

Lot til andøvsgul av útsynningi og suðri, 3 til 8 m/s. Yvirhøvur skýggjað og stundum regn. Hitin millum 10 og 15 stig.

 

Fríggjadagin

Lot til andøvsgul av suðri, 3 til 8 m/s, sum um náttina øtlar í andøvsgul upp í ein strúk í vindi, 8 til 13 m/s. Yvirhøvur skýggjað og stundum regn í støðum, men um náttina samregn. Hitin um 12 stig.

 

Leygardagin

Andøvsgul upp í ein strúk í vindi av suðri, 8 til 13 m/s, sum snarar í ein útsynning og makar í gul til stívt andøvsgul, 5 til 10 m/s. Um náttina aftur andøvsgul upp í ein strúk í vindi av suðri, 8 til 13 m/s. Yvrihøvur skýggjað og stundum regn. Hitin um 12 stig.

 

Sunnudagin

Andøvsgul upp í ein strúk av suðri og útsynningi, 8 til 13 m/s, sum út á dagin makar í gul til stívt andøvsgul, 5 til 10 m/s. Skýggjað og regn, men út á dagin klárar í og tað verður yvirhøvur turt. Hitin millum 10 og 13 stig.

 

Mánadagin

Gul til stívt andøvsgul av útsynningi, 5 til 10 m/s. Yvirhøvur turt og sólglottar. Hitin millum 9 og 12 stig.

 

 


Veitst tú eina góða søgu? Skriva til okkara á red(at)in.fo
Les ella lýs í Lýsingartorginum – trýst her