24. umfar í bestu deildini í Onglandi er á skránni hetta vikuskiftið.
Tveir dystir eru eftir at spæla. Í báðum førum er annað liðið eitt, sum kappast um pláss í europeisku meistarakappingini. Seinnapartin í morgin skal Tottenham spæla í Southampton, og mánakvøldið fær Swansea vitjan av Liverpool, sum síðsta vikuskifti var fyrsta liðið yvirhøvur í hesum kappingarárinum at vinna fulla úrtøku ímóti toppliðnum Manchester City.
Í dag fótaði Manchester City sær væl og virðiliga. Toppliðið hevði vitjan av Newcastle, sum varð sent til hús við 3-1 tapi. Stóri maðurin hjá heimaliðnum var Sergio Aguero, sum skoraði øll trý málini.
Manchester United var á útivølli ímóti Burnley, sum hevur staðið seg væl higartil í hesum kappingarárinum. Manchester United vann 1-0. Málið skoraði Anthony Martial tíggju minuttir eftir steðgin.
Hjá Chelsea hevur tað verið lítið sannførandi higartil í ár. Í dag var tó einki at rafla um. Chelsea vann 4-0 á útivølli ímóti Brighton. Eden Hazard skoraði tvey mál.
Hjá Arsenal hevur gongdin í langa tíð verið alt annað enn góð. Í dag var góða lag á heimaliðnum á Emirates, har Crystal Palace var gestur.
Heimaliðið spruttaði øgiligt fyrra partin av fyrra hálvleiki. Longu tá ið klokkan vísti 22 minuttir, var støðan 4-0. Crystal Palace pyntaði um úrslitið, tá ið tað restaðu tólv minuttir.
Úrslitini í dag
Manchester City – Newcastle 3-1
West Ham – Bournemouth 1-1
Stoke – Huddersfield 2-0
Leicester – Watford 2-0
Everton – West Bromwich 1-1
Burnley – Manchester United 0-1
Arsenal – Crystal Palace 4-1
Brighton – Chelsea 0-4
1 | Man. City | 24 | 21 | 2 | 1 | 70:18 | 65 |
2 | Man. Utd | 24 | 16 | 5 | 3 | 49:16 | 53 |
3 | Chelsea | 24 | 15 | 5 | 4 | 45:16 | 50 |
4 | Liverpool | 23 | 13 | 8 | 2 | 54:28 | 47 |
5 | Tottenham | 23 | 13 | 5 | 5 | 46:21 | 44 |
6 | Arsenal | 24 | 12 | 6 | 6 | 45:31 | 42 |
7 | Leicester | 24 | 9 | 7 | 8 | 36:32 | 34 |
8 | Burnley | 24 | 9 | 7 | 8 | 19:21 | 34 |
9 | Everton | 24 | 7 | 7 | 10 | 26:39 | 28 |
10 | Watford | 24 | 7 | 5 | 12 | 33:44 | 26 |
11 | West Ham | 24 | 6 | 8 | 10 | 30:42 | 26 |
12 | Bournemouth | 24 | 6 | 7 | 11 | 25:36 | 25 |
13 | Crystal Palace | 24 | 6 | 7 | 11 | 22:37 | 25 |
14 | Huddersfield | 24 | 6 | 6 | 12 | 19:41 | 24 |
15 | Newcastle | 24 | 6 | 5 | 13 | 22:34 | 23 |
16 | Brighton | 24 | 5 | 8 | 11 | 17:33 | 23 |
17 | Stoke | 24 | 6 | 5 | 13 | 25:50 | 23 |
18 | Southampton | 23 | 4 | 9 | 10 | 23:34 | 21 |
19 | WBA | 24 | 3 | 11 | 10 | 19:31 | 20 |
20 | Swansea | 23 | 4 | 5 | 14 | 14:35 | 17 |