fyrst og fremst

alt text

Veðrið í dag:

Hiti 9°C

Vindur 10.4m/s

Leita á in.fo

Barbara Holm 09.08.2018 (15:59)

– Endiliga streyma fólk inn í Glasir

- Endeliga streyma fólk inn at síggja fantastiska bygningin, sum hevur staðið so loyndarfullur í so langa tíð, segði Rigmor Dam, landsstýriskvinna í Mentamálum, fyri løtu síðani, tá ið hon vegna Landsstýrið helt røðu og somuleiðis handaði gávu til skúlan.

 

 - Eitt nýtt tíðarskeið í Føroya skúlasøgu tekur skap. Tað hevur tikið sína tíð og kravt sítt stríð, men í dag kunnu vit siga, at tað var tað vert, segði Rigmor Dam og spurdi, um skúlin ikki er einastandandi at líta á.

 

 

Ewald Kjølbro, stjóri í Landsverk helt eisini røðu fyri løtu síðani. Hann segði millum annað, at Landsverk hevur havt 31 byggifyritøkur, 11 fyritøkur innan innbúgv og 7 reingerðarfyritøkur í toyminum at byggja Glasir.

 

Hann greiddi í røðuni frá, at í stóra byggjarínum hava ymiskar avbjóðingar, sum vera man, verið. Eitt nú var ein roknifeilur, sum leiddi til, at berandi konstruktiónir máttu roknast á nýggjum. Stjórin nevndi millum avbjóðingarnar, at arbeiðssteðgur hevur verið, at mál hava verið í Gerðarættinu og tað er eingin loyna, at trupulleikar hava verið millum partar í byggjarínum og tí takkaði Ewald Kjølbro teimum fyritøkum, sum traðkaðu til, tá ið harðast leikaði á. 

 

 

Sí myndirnar av Glasi undir greinini her. 

 

Veitst tú eina góða søgu? Skriva til okkara á red(at)in.fo
Les ella lýs í Lýsingartorginum – trýst her