Leita á in.fo

Barbara Holm 07.12.2017 (09:05)

Eysturkommuna: Øgiliga nógvir skaðar í morgun

Sløkkiliðið í Eysturkommunu sigur í morgun, at standurin er ringur í kommununi í morgun, tí øgiliga nógvir skaðar eru júst nú. Rútar eru brotnir og hurðar eru farnar inn í gjøgnum.

 

 

- Onkrar tekjur og klædningar eru byrjað at ríva, sum vit nú royna at tryggja, sigur Sørin Djurhuus í morgun.

 

 

Hann sigur, at nógv liggur og fýkur runt í bygdunum, og at brandbilarnir í morgun hava fingið materiellan skaða orsaka av tingum, sum fúka í illveðrinum.

 

 

- Fólk mugu halda seg innandura í morgun, tí so nógv liggur leyst og fýkur, sigur Sørin Djurhuus.  

 

 

 

 

In.fo fylgir støðuni. 


Veitst tú eina góða søgu? Skriva til okkara á red(at)in.fo
Les ella lýs í Lýsingartorginum – trýst her