Í dag hevur FSF boðað FC Suðuroy og NSÍ frá, at dysturin í fjórða umfari í 1. deild verður spældur heilt av nýggjum.
Søgan er tann, at tá ið FC Suðuroy síðsta leygardag var í Runavík, vóru líkindini so vánalig, at tað 10 minuttir eftir steðgin varð hildið, at tað var ikki ráðiligt at halda fram.
Dómarin blásti av, og so var spurningurin, hvussu tað fór at vera. Støðan var 3-1 til heimaliðið, tá ið illa á holdum komnu spælararnir fóru undir tak, og so skuldi støða takast til, um dysturin skal spælast heilt av nýggjum, ella um dysturin skal halda fram í 55. minutti, og við 3-1 NSÍ leiðslu.
Grein 34 í kappingarreglunum sigur soleiðis:
Stk. 2. Um dómarin heldur, at vøllurin er í slíkum standi, at at tað kann vera vandamikið at leika á honum, kann hann gera av, at dysturin ikki skal verða leiktur. Dómarin kann, í samráð við liðskipara, steðga dysti, ið verður leiktur, orsakað av vánaligum líkindum. Dysturin kann í mesta lagi verða útsettur í ein tíma. Fráboðan um hetta skal beinanvegin gevast aðalskrivstovuni, sum ásetur nýggjan dyst.
FSF hevur boðað frá, at talan verður um heilt nýggjan dyst. Tað er ikki ásett enn, nær hann verður spældur.
FC Suðuroy hevur 7 stig fyri 3 dystir, og NSÍ hevur 6 stig fyri 3 dystir.
5. umfar verður í morgun og sunnudagin
Leygardagin 13. apríl
KÍ – B36: Leivur Zachariassen kl. 15.00
HB – NSÍ: Rani A. Skaalum kl. 15.00
AB – Víkingur: Rúni Olsen kl. 15.00
B71 – TB: Árni Brandsson Petersen kl. 13.30
Sunnudagin 14. apríl
FC Suðuroy – FC Hoyvík: Kári J. á Høvdanum kl. 14.45
Støðan
| AB | 4 | 3 | 0 | 1 | 10 | 4 | 9 |
| B71 | 4 | 3 | 0 | 1 | 8 | 6 | 9 |
| B36 | 4 | 2 | 2 | 0 | 9 | 4 | 8 |
| FC Suðuroy | 3 | 2 | 1 | 0 | 4 | 2 | 7 |
| Víkingur | 4 | 2 | 0 | 2 | 11 | 7 | 6 |
| TB | 4 | 2 | 0 | 2 | 8 | 6 | 6 |
| NSÍ | 3 | 2 | 0 | 1 | 6 | 6 | 6 |
| KÍ | 4 | 1 | 0 | 3 | 4 | 8 | 3 |
| HB | 4 | 0 | 1 | 3 | 2 | 11 | 1 |
| FC Hoyvík | 4 | 0 | 0 | 4 | 1 | 9 | 0 |
Máltindurin
| Rani Hansen Víkingur | 4 |
| Tijani Yakubu B71 | 4 |
| Filip í Liða AB | 3 |
| Marley Blair AB | 3 |
