fyrst og fremst

alt text

Veðrið í dag:

Hiti 10°C

Vindur 14.6m/s

Leita á in.fo

Danjal av Rana 10.01.2018 (14:20)

Ferðsluóhapp inni á Sundi

Eitt ferðsluóhapp hendi fyri løtu síðani inni á Sundi, við omankoyringina av landsvegnum til vinnuøkið.

 

Ein lastbilur var í ferð við at venda inn á vinnuøkið, og mótkoyrandi ferðsla steðgaði at bíða eftir honum. Ein bilur megnaði tó ikki at steðga rættstundis og koyrdi upp í reyvina á bilinum, sum steðgaði fyri lastbilinum.

 

Vakthavandi á løgreglustøðini sigur, at eingin persónskaði hendi í óhappinum.

 

Hann sigur, at allarhelst hevur olja ella mold ligið á vegnum og tí hevur bilurin ikki megnað at steðga.

 

Landsverk fer nú í holt við at rudda og spula vegin, so møguliga verður ferðslan darvað eitt sindur komandi tímarnar.


Veitst tú eina góða søgu? Skriva til okkara á red(at)in.fo
Les ella lýs í Lýsingartorginum – trýst her