Tað var soleiðis, sum tað hevur verið fýra tær undanfarnu ferðirnar í summar, tá ið 5-mannaførini við gentum kappaðust á Skála, har tað í dag er fjarðastevna.
Firvaldur av Tvøroyri fleyg avstað, og so sóu hinar manningarnar einki aftur til tær av Tvøroyri. Firvaldur økti støðugt um munin aftur til hinar. Á málinum vóru tað tríggjar bátslongdir aftur til teir næstu.
Sigurin ber við sær, at Firvaldur nú hevur 35 stig. Tað er sannlíkt, at FM heitið verður staðfest á vestanstevnu í Miðvági.
Eina løtu var stór kapping um næstfremsta plássið millum Drekan og Falkin. So munaðu tøkini hjá Drekanum betri, meðan Falkurin at enda ikki megnaði at varðveita bronsuplássið, sum Pílur vann.
1 Firvaldur 05.10.38
2 Drekin 05.16.48
3 Pílur 05.19.28
4 Falkur 05.21.21.
5 Kollur 05.21.41
6 Hulda 05.22.05
7 Beinta 05.23.41
8 Báran 05.26.10
9 Royndin Fríða 05.33..16
10 Fenja 05.40.02
FM støðan
1 Firvaldur 35
2 Drekin 30
3 Pílur 18
4 Falkur 17
5 Hulda 13
6 Beinta 11
