Flaggdagshald og døgurði á Fjóni

Aftur í ár skipar Føroyingafelagið á Fyn fyri Flaggdagshaldi í Norðuratlantshúsinum í Odense. Aftaná verður (mánadags)døgurði.

 

Flaggdagshaldið, ið er ókeypis, byrjar við, at Merkið verður vundið á stong uttan fyri Norðuratlantshúsið klokkan 17.00, meðan flaggsangurin, »Sjá, tú blánar«, verður sungin. Síðan heldur Kaj Joensen flaggrøðu í hølum felagsins á 2. hædd.

 

Føroyingafelagið á Fyn, ið skipar fyri mánadagsdøgurða eina ferð um mánaðin, borðreiðir í hesum sambandi við kalva og tilhoyri. Omaná verður kaffi og okkurt afturvið.